Μνήμη τῶν Ἁγίων Χρυσάνθου καὶ Δαρείας
Ἀπολυτίκιον.
Ἦχος γ΄. Θείας πίστεως.
Θείας πίστεως, τῇ ἐπιγνώσει,
πᾶσαν ἔλιπες, πατρῴαν πλάνην,
καὶ Χριστῷ κατηκολούθησας Χρύσανθε,
ᾧ καὶ προσάγεις Δαρείαν τὴν πάνσεμνον,
καὶ σὺν αὐτῇ τὸν ἀγῶνα ἐτέλεσας.
Μεθ’ ἧς πρέσβευε, δοθῆναι τοῖς σὲ γεραίρουσι,
πταισμάτων ἱλασμὸν καὶ μέγα ἔλεος.
Ταῖς τῶν Ἁγίων σου πρεσβεῖαις ὁ Θεός,
ἐλέησον καὶ σῶσον ἡμᾶς.